Stqarrija 24/07

Stqarrija ghall-Media 

Jintlahaq Ftehim bejn il-Malta Football Association u Tliet Stazzjonijiet tax-Xandir dwar ir-Rappurtagg tal-Loghob tal-Futbol

L-Awtorita' tax-Xandir bi pjacir thabbar li ntlahaq ftehim bejn il-Malta Football Association u l-istazzjonijiet tax-xandir immexxija mill-Public Broadcasting Services Ltd., il-media.link Communications Co. Ltd. u l-One Productions Ltd. dwar ir-rappurtagg, kemm fuq l-istazzjonijiet televizivi kif ukoll dawk tar-radju, tal-loghbiet tal-futbol, inkluz dawk tat-tim nazzjonali Malti, li jintlaghbu taht id-direzzjoni ta’ l-MFA. Dan il-ftehim intlahaq wara process ta’ medjazzjoni li tmexxa mill-Awtorita' tax-Xandir izda wkoll bir-rieda tajba tal-partijiet kollha involuti.

Fil-qosor, il-ftehim jinkludi l-arrangamenti li jidhru hawn taht:

·        L-Awtorita' tax-Xandir bi hsiebha tistabbilixxi, bis-sahha ta’ avviz legali, d-dritt ghax-xandara kollha li jipprovdu rappurtagg fil-qosor (short news reporting) dwar avvenimenti importanti ghas-socjeta’ Maltija, anki meta id-drittijiet esklussivi ghax-xandir ta’ avveniment ta’ dan it-tip ikunu nghataw lil xi xandar partikolari. F’dan il-kuntest ix-xandara kollha jkollhom ukoll id-dritt li jxandru bla hlas filmat qasir ta’ l-avveniment sakemm dan ma jkunx itwal minn 90 sekonda u sakemm dan jintwera biss f’bullettin ta’ l-ahbarijiet. Provvedimenti bhal dawn diga’ jezistu f’Konvenzjoni tal-Kunsill ta’ l-Ewropa (Convention on Transfrontier Television) u l-Awtorita' tax-Xandir diga’ ppubblikat abbozz ta’ l-Avviz Legali mehtieg ghal skop ta’ konsultazzjoni pubblika. Fil-ftehim in kwistjoni, il-partijiet kollha qablu li jintrabtu b’dawn il-provvedimenti sa mid-data tal-ftehim

·        l-MFA qablet li, fil-kaz ta’ programmi sportivi mtella’ mit-tliet xandara, taghti d-dritt li waqt dawn il-programmi jkunu jistghu jintwerew siltiet importanti mil-loghbiet tal-futbol tal-kompetizzjoni lokali kif ukoll minn dawk li jintlaghbu mit-tim nazzjonali Malti, sakemm dawn ma jkunux itwal minn 180 sekonda ghal kull partita u sakemm ukoll dawn il-filmati ma jintuzawx bhala skuza ghal kummenti li jkunu joffendu l-players u l-ufficjali tal-partita, l-ufficjali tal-clubs u ta’ l-Assocjazzjoni. Ghal dan id-dritt ix-xandara se jipprovdu lill-MFA b’kumpens finanzjarju xieraq li gie stabbilit wara li ttiehdu in kunsiderazzjoni numru ta’ fatti, inkluz il-fatt li matul dan l-istagun tal-futbol l-MFA allokat id-drittijiet ghax-xandir, kemm b’mod dirett kif ukoll b’mod diferit, ta’ xi loghbiet tal-futbol, anki dawk tat-tim nazzjonali, lil xandara ohra

·        l-MFA qed taghti ukoll lix-xandara in kwistjoni d-dritt li jxandru b’mod diferit il-loghob li t-tim nazzjonali Malti jilghab hawn Malta stess. Min naha taghhom ix-xandara se jipprovdu lill-MFA bla hlas numru ta’ spots promozzjonali kull meta t-tim nazzjonali Malti jkun se jilghab loghob kompetittiv f’Malta stess. Dan ghandu jghin sabiex jizdiedu l-attendenzi u allura l-prestazzjoni tat-tim nazzjonali

·        dan il-ftehim ghandu jibqa jghodd sa l-ahhar ta’ l-istagun tal-futbol 2007-2008.

Dr Kevin Aquilina		11 ta’ Mejju 2007
Kap Esekuttiv
Awtorita' tax-Xandir